Ahabanza Amakuru Abo turibo Amamaza Twandikire Umuryango Mail
Ibirimo
MTN Ads
BPR Ads
Radio Izuba
RSS Feed
Google Ads
Umuryango
igihe.com ifite Abanyamuryango
2964
. : : Iyandikishe : :
Amakuru atandukanyeHirya no hinoUtuntu n'utundiUyu munsi mu mateka

Ese kugumana Lt Gen Kayumba Nyamwasa hari ingaruka byayigira kuri Afurika y 'Epfo?


posted on Oct , 06 2010 at 08H 53min 47 sec viewed 40515 times



Nyuma y’aho Lt Gen Kayumba Faustin Nyamwasa ahungiye u Rwanda akajya mu gihugu cya Afurika y’Epfo, ibi bigakurikirana nuko u Rwanda rwifuza kumugeza imbere y’inkiko akisobanura ku byaha ashinjwa birimo gucura imigambi yo guhungabanya igihugu, ndetse n’ubutabera bwa Espagne nabwo bukaba ari ko bwifuza kumuburanisha, ibi bigahurirana n’uko muri iki gihe Afurika y’Epfo yahaye ubuhungiro umunyanijeriya ushinjwa kuba ari inyuma y’iturika ry’amabombe riheruka guhitana abantu barenga 10 muri Nigeria ubwo hizihizwaga isabukuru y’imyaka 50 y’ubwigenge bw’icyo gihugu, benshi bari kwibaza niba gukomera kubayihungiyemo bashakishwa mu bihugu bakomokamo kwa Afurika y’Epfo bitazagira ingaruka mbi ku mibanire y’icyo gihugu n’amahanga.

Nk’uko tubikesha Associated Press, kuva Apartheid yarangira mu mwaka w’1994, igihugu cya Afurika y’Epfo cyakomeje kujya kiba ubuhungiro ku banyafurika baba bifuza guca mu rihumye ubutabera cyangwa se rimwe na rimwe akarengane mu bihugu byabo bwite. Ingero ni nyinshi.

Umuyobozi Mukuru wa Human Rights Watch muri Afurika y’Epfo, Sipho Mthlani, agira ati: “Afurika y’Epfo ntago ishobora kwemera kuvugirwamo n’ibindi bihugu. Igomba guharanira ubutabera, gusa imibanire yayo n’ibindi bihugu ishobora kuzamo agatotsi.”

Ikibazo cya Nyamwasa n’icy’umunyanijeriya Henry Okah ushakishwa n’igihugu cye bifite aho bitandukaniye kuko Okah we guhera kuri uyu wa Kabiri yagejejwe imbere y’urukiko muri Afurika y’Epfo, aho akurikiranweho ibyaha ashinjwa byo kuba inyuma y’iturika ry’amabombe mu gihugu cye ryabaye kuwa Gatanu ushize, mu gihe Nyamwasa we kugeza n’ubu ataragezwa imbere y’inkiko nk'uko byifuzwa na Espagne ndetse n'u Rwanda.

Okah usanzwe ari umwe mu bagize umutwe uharanira uburenganzira bw’intara ya Delta ya Niger, ubwo yaherukaga kugezwa imbere y’urukiko muri Nigeria, yakatiwe igihano cy’urupfu azira ibyaha by’ubugambanyi n’iterabwoba mu rubanza rwabereye mu muhezo. Yaje kubabarirwa ahita ahungira muri Afurika y’Epfo muri Nyakanga 2009.

Igihugu cye gicyeka ko yaba akiri muri uwo mutwe uharanira uburenganzira bw’intara ya Delta ya Niger, kandi ko yaba akigenga ibikorwa byawo bibisha bitandukanye.

Ku rundi ruhande, Lt Gen Kayumba Nyamwasa ufite ubuhunguro muri Afurika y’Epfo, ashakishwa n’u Rwanda rumushinja ibyaha byo gucura imigambi yo guhungabanya igihugu, naho Espagne yo ikamushinja kuba yaragize uruhare mu iyicwa ry’Abanya-espagne bakoreraga imiryango ifasha imbabare mu Rwanda, ibyaha u Rwanda rwari rwarahakanye.

Nyamwasa yaje kurasirwa n’abagizi ba nabi aho ari mu buhungiro, hafatwa benshi bakekwaho kuba inyuma y’iraswa rye.

Byakomeje kuvugwa ko nyuma y’aha umubano hagati ya Leta y’Afurika y’Epfo n’iy’u Rwanda waba warajemo agatotsi, ndetse na Ambasaderi wa Afurika y’Epfo mu Rwanda ahamagarwa n’igihugu cye, kugeza n’ubu akaba ataragaruka, gusa inzego zikuriye ububanyi n’amahanga zemeza ko nta kibazo kiri hagati y’ibihugu byombi.

Inzobere y’umushakashatsi muri Africa Institute of South Africa, Sylvester Bongani Maphosa, avuga ko Afurika y’Epfo ikwiye gukomeza gukorana n’ibindi bihugu mu gihe ibikorwa by’iterabwoba bidasiba kwiyongera hirya no hino ku isi, gusa asanga nanone icyo gihugu gikwiye kwitondera kohereza abagihungiyemo ubutabera bwa byinshi mu bihugu bya Afurika.

Ku ruhande rwe, Mthathi asanga Afurika y’Epfo ikwiye gushyiraho uburyo bwo kudatuma abantu batari ngombwa bahabwa ubuhungiro muri Afurika y’Epfo, bityo bagahezwa hanze yayo, ariko kandi akavuga ko icyo gihugu gikwiye gukomeza kikaba ubuhungiro kuri babandi babukeye nta byaha bahunga, ari nako icyo gihugu gikangurira ibindi gukemura ibibazo bibirangwamo, bityo bikagabanura ababihunga.

Foto: news24

Kayonga J.

facebook
More Articles | >>View all news in this category
Icyemezo cyo gukuraho buruse cyakiriwe neza n’abanyeshuri – murigande
 
Minisitiri w 'intebe bernard makuza yashyize ahagaragara gahunda ya guverinoma y 'imyaka irindwi
 
Umunyapolitiki nayinzira jean nepomuscene aravugwaho gukora imirimo y 'ubupfumu
 
Umuseso n 'umuvugizi byaba byiteguye gukomeza gukorera mu rwanda nyuma yo kurangiza igihano?
 
Benin: georges rutaganda wari ufungiye ibyaha bya jenoside yaguye muri gereza
 
Nyuma ya mbarushimana, ku rutonde rw’abashakishwa hatahiwe brig gen bosco ntaganda - moreno ocampo
 
Umurusiya viktor bout arahakana ko yagurishije intwaro ku rwanda
 
urukiko rwa arusha rwasanze erlinder nta budahangarwa afite, u rwanda rugiye gukomeza kumukurikirana
 
Umuvugizi w’ingabo lt col jill rutaremara arabeshyuza amakuru avuga ko afunze
 
U bufaransa: callixte mbarushimana, umwe mu bayobozi ba fdlr yatawe muri yombi
 
Page:1 | | 2| | 3|
AuthorsComments
Page:1 | | 2| | 3|
by Unknown Posted 18 hr 12 min ago

abantu bagiye gusazwa n 'amagambo kabisa imana idutabare naho turashize

0
bad good




 
by hhh Posted 4 days 13 hr ago

Ni mutwihere akaguzanyo twiyigire tuzibonere icyo twakishyirira mu gifu naho politike muyirekere bene yo. Erega shahu burya baravuga ngo there is no eternal friend in politics tout il n ' ya pas d 'enemi eternel.
Bo nibashake uburyo abana bigaga muri kamenuza babona ako kaguzanyo tugafatanya kwiyubakira igihugu.
Politike ni politike nta n 'ubwo tubizi twebwe mutuveho!!

0
bad good




 
by dudu Posted 5 days 13 hr ago

Imana ihora ihoze hari umunsi ibibazo dufite bizakemuka, twongere amasengesho tuve mu bitaduteza imbere bya bra bra bra...., ntabwo tuzi abakina politiki ibyo barimo batekereza kuko byoooooooseeeee bizajya bidutungura tu!

0
bad good




 
by umuvivi Posted 7 days 17 hr ago

ndashaka gusubiza 3woodtchen uravuga ngo gira vuba twitange ngo ntagihe tutarwitangiye ubu urumva ushaka iyindi ntambara koko? mbese nkubu KAYUMBA yasubirana na KAGAME wajya he ? ntimugate ururimi ni abagabo bakuru bazirangiriza ibibazo byabo ntimukivange, ubu ntabwo uragirana ikibazo n 'umuntu mukiyunga? ntimugakunde biracitse.

0
bad good




 
by Unknown Posted 7 days 18 hr ago

yewe rwanda Imana ishobora byose izi byose

0
bad good




 
by ruh Posted 7 days 18 hr ago

mugende sha,abanyarwanda mwese mwigize aba politicien,Kagame ko abaha umutekano,murarya mu gasinzira...,none ngo iki
ko mutazi ibyo bapfa se muba muvuga iki?
mubure gukora ngo muri mu bya Kayumba,muzumirwa ndababwiye
ibyo twati dukwiye kubirenga kabisa

0
bad good




 
by butare Posted 7 days 18 hr ago

Ariko 1 million de dollars Kanyandekwe yashatse guha abapolisi ngo bamucikishe buriya yari kuva mu kihe kigega!!Si icyabamutumye nabo bayora mu misoro yacu yagombaga kubakira abana bacu ibitaro n 'amashuri!!Barangiza ngo bakuyeho bourse !!Ayo bagombaga gukoresha mu burezi bayakoresha mu kwica abanyarwanda!!Birababaje.

0
bad good




 
by Unknown Posted 1 week 11 hr ago

abantu bakwiye kureka amatuku tukareba imbere bigaragarira buri wese ko ejo hazaba ari heza . nta nyungu wabona muguteranya abanyarwanda ni mwe

0
bad good




 
by Unknown Posted 1 week 14 hr ago

mwumve, abarihirwa na FARG ni abana b 'imfubyi za Genocide y 'Abatutsi abenshi muri mwe babivuga mwavukije ubuzima ababyeyi babo cg bigakorwa na bene wanyu,Dore ko na ba se uwo mwemereraga no gurangiza secondaire yahezwaga kuri poste ya Mwarimu akaba ari umuntu ukomeye!Mubareke rero bige kuko bababajwe na byinshi batabangikanya no gushaka kwirihira n 'imibereho ngo babishobore. Abenshi biga banarera barumuna babo muburyo batasobanura uretse Imana yikorera ibyayo. Iki rero ni igihe cyabo nkuko namwe mwagize icyanyu,ese ubundi iyo mubyanga kare kose ko mwari mufite Inzirabwoba n 'iKinani n 'abafaransa n 'interahamwe n 'abandi benshi.Ahubwo nuko Leta itabona ubushobozi buhagije ngo barihirwe bose uko babyifuza! naho ubundi birakwiye . Kandi turashimira Leta ko Izirikana abo bana.felicitation HE KAGAME We love you sooooooo much.Byonyine kukubona ariwowe President twumva turi proud kuko mugihe cyashize isura nkiyo twagendaga tuyihishe,bitwibutsa insinzi tubonako bakuru bacu bayameneye ukuri.Ikirushijeho noneho nuko wabaye imfura uti "Ntawugira uko undi agize twese tuzabane " ureke Ibyo UN iba ihwihwisa munyungu zabo,ubuse niba ari abahutu washakaga mu Rwanda ntimwari muhabasize bamwe ari n 'abayobozi !!!

0
bad good




 
by emugabo Posted 1 week 15 hr ago

Banyarwanda bene wacu muraho? Nshima ibitekerezo byiza ariko ngaya n 'abantu batukana cyangwa bagarura amoko twari dutangiye kuyibagirwa! Nashimye uwibutse ko abana biga bafashwa kubera ubupfubyi bababatishimye! Hari n 'ikindi "mwari muzi ko ubupfubyi nabwo ari kimwe mubituma abenshi muribo biga ariko bahangayitse bikabatera no gutsindwa? " Ukwanga akwifuriza situation nk 'iyo! Jye nabaye impfubyi mfite 28ans ariko nabonye ingorane z 'abari hasi! Mujye mugera umuzinga ku wa Bugegera! Mureke kwishimira hejuru y 'abandi kuko hahubutse nk 'ikintu kikarimbura ab 'iwanyu (wowe wumva ko impfubyi itababaye)wowe wakwishima?

Reka ahubwo mbahe igitekerezo: mureke dukore mutuelle yo kwiga muri buri Kagari! Noneho dushyire hamwe amafaranga yaba ijana cyangwa magana abiri tuyabike noneho tujye duha umwana wese watsinze ajye kwiga narangiza yishyure mutuelle yacu gutyo gutyo abana bacu baziga nta rusaku kandi ku nyungu zacu.

Muti isiha zizayatunda! Oya, dufite compte aho twumvikanye ikurwaho amafaranga yemerejwe mu nama rusange y 'akagari kandi ifite abagenzuzi banyuranye n 'abacungamutungo!

Uko niko mbyumva jye mbona amatiku ntacyo azagezaho abantu, bakwiye kuyareka bagakora ikibateza imbere!

Mugire amahoro n 'ubworoherane maze mutere imbere mu nzego zose!

0
bad good




 
by MPOREBUCYE Posted 1 week 15 hr ago

UKO LETA ISEBYA KAYUMBA NIKO ABAFANA BE BIYONGERA N 'ABATAMUZI BAKAMUMENYA. ARIKO BURIYA KAYIZALI NTAZI KO BUCYA BWITWA EJO? BIRATANGAJE KUVUGA AMAGAMBO NK,ARIYA KU MUNTU MWARUHANYE NYAMARA NIMUSHAKA MWITONDE AFANDE PC NTAMENYERWA NIBA ARI NO GUHAKWA BUCYANA AYANDI.......PLZ COMMENT YANJYE NTIMUYINYONGE

0
bad good




 
by habanabashaka Posted 1 week 16 hr ago

Abantu kwisi uko bameze barambirwa vuba ninayo mpamvu iyo usebya umuntu nka kayumba umutuka uba urimo kumukundisha abantu nasomye coment ziri kuri iyi site nsanga inyinshi zivugira Kayumba bitwereka uburyo kayumba afashwe muri iki gihugu ibyiza rero mbona mbere yo gusaba africa yepfo gufata kayumba nibabanze barangize imanza zabo bafashe barimo abo barumuna ba Kayumba ubundi basabe African yepfo imufate hari nibimenyetso bafitiye gihamya naho ubundi kugumya kuvuga Kayumba birimo gutuma akundwa nabantu benshi uretse ko ntanumwanga mugihe abaturage batari bagaragarizwa ukuri kwibyo bamushinja ntampamvu yo kumwanga no kumwita umwanzi wigihugu.

Knandi nagirango nsobanure ko umwanzi w 'umuntu kugiti cye mufitanye ibibazo hagati yanyu nkawe muyobozi wigihugu bitakagombye kuba umwanzi w 'abanyarwanda bose kuko byazatuviramo ubwicanyi nkubwakorewe abatutsi aho bavugaga ko abatutsi aribo bishe Habyarimana kandi barengana.
Tugerageze rero nkatwe baturage mbere yo kujya gukora ibyo abayobozi bacu badusaba ngo twamagane aba naba tujye tubanza turebe ingaruka bishobora kudutera.
Nkumva aha rero ibya Kayumba twaba tubishyize kuruhande kuko munavuga ko ntakibazo ateye ubundi tukagumya tukubaka igihugu cyacu abafite ibibazo nawe bakazabirangizanya hagati yabo kuko Kayumba mbona ntakibazo afitanye nabanyarwanda ahubwo agifitanye nabamwe mubategetsi bacu.
Ntimukitwaze abaturage mujye muvuga kugiti cyanyu
Murakoze.

0
bad good




 
by 3woodtech Posted 1 week 17 hr ago

Komera afande Kayumba gusa abazi icyogukora twikuriyemo akacu.Gira vuba turwitangire ntagihe tutitanze. "alluta continua "[struggle continue]

-1
bad good




 
by hjishjj Posted 1 week 19 hr ago

Kugezubu biragoye kuba umuntu ya menya ufite ukuri hagatiya Kayumba na Kagame ariko icyo ntemera Yabayobozi bacu, ese kuki banenga uwamaze kugaragaza ko atumvikanye nabo birantangaza cyane nkiyo Kabarebe avuga ngo Kayumba yakunze kurangwa nindanini, ese kuki abivuga aruko yamzae kugenda? ese yarinze aba Chief General Staff atashimwe? reka jye mvuge uko mbona Kagame kagame numuyobozi pe nigihugu cyacu aragiha icyerekezo kigaragara ko aricyiza ariko nagire nawe ibyo akosora. 1) Gutonesha 2) Kwica uwo batavuze rumwe kuko igihano cyose s 'ukwica hanyuma areke no guhigika abantu bamwe cyane nka Bagogwe bo rwose wgira ngo ntaburenganzira bafite kugihugu cyabo.Ese harya nkunda araziriki? Kagame rwose kuyobora urwanda ndabizi nti Byoroshye ariko gerageza Ureke ubutabera bube ubutabera Nyakuri bufate icyemezo butavugiwemo hanyuma ukomeze guhana ugaragaye ko atakunze igihugu Ibyo mfite kuvuga sinabirangiza Nawe uzi neza ibyo udatunganya bikosore urebe ko urwanda rutaba igihugu gitanga icyitegerezo kwisi.

0
bad good




 
by butare Posted 1 week 20 hr ago

Kayumba murifuza ko aza ngo mumwice!!Na we arabazi nimugende!!!Mwamuhushije rimwe ntago muzongera kumubona!!!

0
bad good




 
by gcyvuhag Posted 1 week 21 hr ago

muraho
jyewe nku umunyarwanda nagiraga icyo navuga kuri izi nyandiko zandikirwa kuri iyi city ,1 ndabashimira gutanga ibitekerezo byanyu byaburi gihe kandi rimwe na rimwe byiza gusa hakaba hari nibindi biba atari byo kwishimira
so kubyerekeye kayumba na kagame abantu babifata uko bitari hanini kandi bikaba biterwa no kutamenya cg kutagira amkuru ahagije gusa buri muntu avuga akurikije uburyo abyumva,gusa sinkubujije gushyigikira kagame cg se kayumba kuko buriwese afite negatif point nka kagame azwiho gufuga abategetsi cg abasirikare bakomeye be abaziza ahanini ubujura cg se kutumvikana nawe naho kayumba we azwiho gushaka gugabana igihugu nabo bafatanyije kukibohora biyibangije ijwi rya kanyarwanda gusa icyo nagusaba nuko wakoresha ubwege bwawe ukanagerageza kugereranya kubyo ubona apana kubyo kanaka yavuze kuko abanyarwanda bamaze guta umuco, si nkakera ,ubu buri muntu wese yabaye nyamwigendaho nta wukigerageza kwibuka igihugu cye naho abavuga ibyamoko na bourse bo ntacyo nababwira kuko urebye bameze nkabakiri mu rwanda rwo muri 1970 ubu isi yarahindutse ntamuntu ugihabwa bourse wamutesi weeee!!! ujye ubaza abantu biga iburayi wumve ko hari za bourse bagihabwa uretse kwishakira imirimo ukiga unakora naho rero ushaka ko igihugu kigufata nki icyana kinyoni bagaburira bagicira mukanwa ubwo uzashake ahandi ujya kwiga naho ibya farg byo bireke kuko nabo ntibishimiye kwiga bitwa imfubyi kuko nahatari mu rwanda imfubyi irafashwa naho rero imfubyi bayifashe nawe ufite abavandimwe nababyeyi go bagufashe nonese icyekako leta yakwicyurira abanyarwanda bose igerageza kureba abakomerewe akaba aribo bafashwa ,nibyo nahoze mvuga kuva kare ko abanyarwa bazira no kutagira mamkuru ahangije ku ubuzima buriho ubu

0
bad good




 
by Unknown Posted 1 week 21 hr ago

Ariko rero maze kubona ko abirabura aho tuva tukagera dufite ikibazo, dure bimwe mubibazo duhuriyeho kandi bitwugarije; dukunda ibihuha, dukunda byacitse, ntituzi gukurikirana ukuri naho guturuka, kureba kure n 'ikibazo gikomeye kuritwe, dukora mbere yogutekereza, kumenya nogushishoza impamva y 'ikintu biratugora, ntitumenya iyo tuva niyo tujya kubera iyo mpamvu dusa nkabatzi icyo dushaka, inda nini yadutanze imbere niyo mpamvu duhora muri zunguruka. Niba hari umvuguruza nambwire igihugu cyori sub-saharan Africa cyigeze gitezwa imbere nabanyafrica ubwabo? Mureke kwitwaza ubukoroni kuko hari nibindi bihugu byigobotoye ubukoroni nyuma y 'ibyafrica. ntayindi mpamvu nizo navuze haruguru.

None mutambeshye ubihugu tuvugamo demokarasi ntantambara byigeze bicamo? none aho bimaze kugerera kw 'iterambere ntibiharirana kandi bikubahana? Nonese byageze kwiterambere ntabyangiriste?
Nonese wowe iyo ugiye kwubaka inzu nziza uzaturamo igihe kirambye ntiwangiza byinshi, uzi iyo ucukura umusingi ubutaka wangiza, amabuye umenagura, ibishitsi urimbaguza? nonese ubirekeye umutekano wabyo wabyubakiraho inzu? ibyo nibyo abateye imbere baurusha kumenya.

None kuko KAGAME Paul asa nuwahishukiwe iryo banga, abirabure turamuriye turamumaze. Abazungu bo baramuzi ndetse banamwibazaho niyo mpamvu bakora biriya kugirango batudindize tumere nkabandi.
Ikimbabaza nuko asa nuvunwa n 'ubusa abanyarwanda batabibona. Niyo yakubaka ibinga iki dukomeje ibi bitekerezo twabyisenyera. nonese ko tutazabana imyaka yose.
Koko muretse uburyarya n 'amarangamutima kuri bamwe, ninde utazi amakoro ya kayumba yirukana abanyarwanda batishoboye agafata segiteri yose y 'ubutaka agishyiramo inka nabene wabo gusa, urwo nurugero ruto reka ibikomeye mbireke nukomera nkawe, ibyo nibyo mwishimira nuko kwunga abanyarwanda avuga, ninde utazi Gahima murwanda yambura Banks yafi yazose akoresha umwanya we, afunga uwo ashatse, ibindi reka mbireke, iryo niryo terambere rero n 'ubutabera nogukunda igihugu, mvugese Rudasingwa sha nimureke tuve mubujiji, tumenye ababakoresha ko batatwifuriza amahoro. Kagame bose baramuzi, Iyaba IMANA yafashaka abanyarwanda benshi kandi bashaka kumenya bakamenya iyerekwa rye. Imyaka mike gusa twamera nka S.korea cyangwa singapore. Naho mwinkangisha S.Africa nibatareba neza aho abazungu bayigejeje izasubira inyuma ishuru zingahe?

Ndacyari muto cyane iyaba Imana yamfashaga gusa kuko Africa n 'abanyafrica barambaza cyane. Icyampa umwuka w 'uburyarya waba Kayumba na Gahima Karegeya, Rusesabagina nabandi nkabo ntuzokame abanyarwanda.

Icyampa Imana Igafungura Amaso y 'Abanyarwanda bashaka kumenya.

KAGAME Komera ntuzahinduke, gushyira muburyo nubundi biravuna ndetse bigasharira benshi ariko bigira umusaruro mwiza.
Kandi ukuri guca muziko ntigushya ndetse ntikugomba majority.

0
bad good




 
by shyaka02 Posted 1 week 22 hr ago

bizagaruka benshi tu;

0
bad good




 
by sangwineza Posted 1 week 22 hr ago

sinumva uko abanyeshuri ba kamenuza zacu bameze...abantu bafatira icyemezo nka kiriya ntibagire na ka manif bakora yo kucyamagana; ni akumiro pee...iyo attitude mubona ko yazabageza kuki..
kasongo

0
bad good




 
by Unknown Posted 1 week 1 day ago

ARKO KAYUMBA KURWANDA NIIKIBAZO KKO!!!KAYUMBA ABAMUSEBYA BOSE BARIKOZA UBUSA!EREGA NGO ABO WAHAYE AMATA.....UBWOSE KAYIZARI WE AYOBEWE BENE WABO?BURETSE URABA WUMVA AHO BUKERA!TWE TURI MASO KDI TURAREBA.AHO URDA RUGEZE SE NI KAGAME CG RWAVUYEHE?REKA SHA UMUNSI NI UMWE.

0
bad good




 
by Unknown Posted 1 week 1 day ago

hari ibintu birenga umuntu akabura nicyo avuga abavuga rero nimuvuge twe
twarumiwe,gusa icyiza ndetse n ikibi byose bigira ingaruka dutegereze rero gusa birabe ibyuya ntibibe amaraso smiley

0
bad good




 
by sebjamas Posted 1 week 1 day ago

iyo Leta yirirwa ibara imitungu ya kayumba ikanamenya amazu yemera nayo atemera yabanje ikatubarira ikanashyira ahagaragara imitungu yabari kubutegetsi bityo tukanamenya neza ko ba tiba iyo Leta.

hanyuma ngo Kayumba ntacyo atwaye igihugu none ko mwirirwa mumuhoza mibinyamrekuru no muma Radio iyo mikino izarangira ryari murabizui neza ko Kayumba akomeye kandi ko afite ububasha nudasubirwaho butagereranywa nabandi bigometse kuri Leta bamubanjirije none ngo ntacyo atwaye, mwagerageje mugakosora agatotsi mutihagazeho kari hagati ye na Kagame dore ko aribo batumvikana bikitirirwa igihugu cyose erega ibyiza ntibyazanywe na Kagame gusa agomba kujya anemera ibyo abandi bamufashije kugeraho nuruhare rwabo not all to him please.

ngo South Africa izamufate, kiriyagihugu nikimwe mubihugu byasi bigendere kuri demokarasi ntabwo barenganya cyane nkabimwe mubihugu bya Afurika ngo kuba atumviakana nubutegetsi bahite bamwohereza nkuko byakunze kugaragara mubihugu bituranyi biriya sibyo Africa Yepho si akarima kurwanda sinintara imwe muzurwanda, ntimuzategereze ko Africa Yepho imwohereza kuko yanamwimye Espagbne nkaswe Urwanda, umunyepolitiki umwe wumuri Afurika yepho aherutse kwivugira ko Afurika yepho igendera kumatwara ya demokarasi kandi ko yubaha uburenganzira bwikiremwa muntu ko Itagendera kubyo ibindi bihugu byifuza ko ikora ngo ibishimishe yanonye uburenganzira bwumuntu nimukureyo amaso rero.

nagira inama ubutegetsi na Leta yirwanda kugira iyo bwabaga bagasaba imbabazi KAyumba nabandi naho ubundi ntamahoro mbona peee!!!
nukwihagararaho nahubundi ntawutabibona keretse impumyi zitize zifunzwe amaso ngo byose ni OK iwacu, reka sigaho.
ntibizoroha habe nagato mugihe hari benshi mubakomeye batumvikana kubera igitugu, cyarigihe cyo kumviakana.

0
bad good




 
by ngabostein Posted 1 week 1 day ago

hari igihe namwe banyamakuru mbibazaho, ubwo ushaka kugereranya Kayumba nuriya mu nigerian wateze igisasu, ushaka nawe gukurikira abategetsi bo murwanda bari muri gukangurira abaturage ububi bwa Kayumba, ibyo nibintu bishaje, mwibuke uko basebeje SEBARENZI, BIZIMUNGU, ...bamwe mubasebyaga ubu nabo bari kwivuganwa, mwitonde kuko nindas mukorera mushonbora kutasarura ibyo mwari kuyiruhira kuko Kagame nta dini cg imbabazi agira, musubize amaso inyuma muzasanga kuva 1990 harabaye kuzimira kw 'intwari nyinshi ubu dukwiye kwibaza tuti zahitanywe na nde... buri wese ndazi ko agira igisubizo kijya gusa nicyundi ariko kikaguma mumutima, gusa mbabwize ukuri Umunyarwanda wese , ku mpande zose, Muzee afite uko yamuhemukiye...uko niko mbyibaza nawe uzatugezeho uko ubyibaza atari ukuvugira ariko ku maco yinda

0
bad good




 
by ono.kine Posted 1 week 1 day ago

njye ndikubona aho burakera murajya kuzana kayumba ngo abayobore mumenye ko Kayumba na Kagame bose ni kimwe na Kyumba niko yabagenza mureke Imana izikorera icyo ishatse ntawaruziko inkotanyi zatsinda Habyara

0
bad good




 
by simonagaca Posted 1 week 1 day ago

ariko se comment yanjye muyishyizehe koko?

0
bad good




 
:) :D ;) :p
:lol: :euh: :( :o
:colere2: o_O ^^ :-°
Email Adress :
Place your comment here:
Choose your avatar:
More Articles | >>View all news in this category
Perezida kagame muri libya mu rwego rwo kwitabira inama ya kabiri ihuza afurika n 'ibihugu by 'abarabu
 
Abanyarwanda bakwiye kurangwa n’urukundo rw’igihugu – prof karangwa
 
Mukamira: umusirikare yarashe batanu arabahitana, abandi 13 barakomereka
 
Icyemezo cyo gukuraho amafaranga ahabwa abiga kaminuza cyafashwe na guverinoma, ninayo yagihindura- minisitiri murigande
 
Urukiko mpuzamahanga mpanabyaha ku rwanda rwa arusha mu bibazo by 'inzitane
 
Abagande babiri bafungiye mu rwanda bemerewe kubonana n 'imiryango yabo n 'abazabunganira
 
Guverinoma ikwiye gukorera hamwe - perezida kagame
 
Bad yateye inkunga ya miliyoni 30 z’amadorali y’amanyamerika uruganda rwa cimerwa
 
Latest Videos in this group
video
Ubwo Raporo kuri Brodband yashyirwaga ahagaragara
video
Tony Blair asaba abashoramari kuyishora mu Rwanda...
video
Ikiganiro cya Perezida Kagame kuri Al Jazeera
video
Imirwano yararose hagati y'abagize Inama Nyobozi ya Nairobi
video
Ibirori byo kwizihiza intsinzi ya Paul Kagame kuri Stade Amohoro
video
Indorerezi za Coomonwealth zishimira imigendekere y'amatora mu R
video
Ibarura ry'Amajwi n'intsinzi ya Paul Kagame (AFP)
video
Demokarasi mu Rwanda? (Al Jazeera)
video
Amatora
video
Umukandida Kagame yiyamamariza i Huye tariki 30 Nyakanga
video
Ubwiyunge
video
Umukandida Kagame yiyamamariza i Muhanga tariki 24 Nyakanga 2010
video
Abategarugori muri Guverinoma
video
Umukandida Paul Kagame yiyamamariza i Karongi
video
CNN : Christiane Amanpour Interview Paul Kagame 19 march 2010
Copyright © 2009 - 2010 - IGIHE Ltd - All Rights Reserved
Ibyerekeye iyubahirizwa ry’ubuzima bwite (Privacy policy) | Uburyo bw'imikoreshereze (Terms of use)
Our blog : http://blog.igihe.com