Ahabanza Amakuru Abo turibo Amamaza Twandikire Umuryango Mail
Ibirimo
MTN Ads
BPR Ads
Radio Izuba
RSS Feed
Google Ads
Umuryango
igihe.com ifite Abanyamuryango
2964
. : : Iyandikishe : :
Amakuru atandukanyeHirya no hinoUtuntu n'utundiUyu munsi mu mateka

Uwahoze ari umunyeshuri muri LaRoche College kuri buruse ya Leta yimwe ubuhungiro muri Amerika


posted on Oct , 07 2010 at 09H 13min 26 sec viewed 40603 times



Urukiko rw’ubujurire muri Leta Zunze Ubumwe za Amerika bwashimangiye icyemezo cyo kwima ubuhungiro uwahoze ari umunyeshuri wigiraga kuri buruse ya leta muri LaRoche College udashaka kugaruka mu Rwanda.

Amakuru dukesha Ibiro Ntaramakuru by’u Rwanda RNA aratumenyesha ko Urukiko rw’Ubujurire kuri uyu wa Kabiri rwashimangiye icyemezo cyari cyafashwe n’ibiro bishinzwe abinjira n’abasohoka muri Amerika cyo kwima Charles Heza ubuhungiro nyuma y’uko ananiwe kumvisha abashinzwe abinjira n’abasohoka buryo ki yahohoterwa aramutse ageze mu Rwanda.

Imitere y'ikibazo

Ikibazo cya Heza cyahereye mu kwezi kwa Gicurasi mu mwaka wa 2001 ubwo we na mushiki we Davina Heza hamwe n’abandi Banyarwanda 12 barangizaga amasomo yabo muri LaRoche College aho Charles yigaga ibijyanye na Graphic Design naho mushiki we akaba yarigaga ibijyanye n’ubutabire (chemistry/chimie). Barindwi muri bose uko ari 14 baburiwe irengero umunsi bari kugarukiraho mu Rwanda, nk’uko amasezerano arebana n’izo buruse bigiragaho yabiteganyaga.

RNA itangaza ko ibyabaye ku bandi banyeshuri bitazwi neza, ariko ko Heza guhera mu mwaka wa 2003 yakomeje kujya agerageza kuba yabona ubuhungiro biciye mu nzira zemewe n’amategeko ya Amerika, agendeye ku kuvuga ko nagera mu Rwanda azahohoterwa n’ibindi byinshi. Kuri ubu mushiki we Davina aba muri Canada.

Mu zindi mpamvu yatanze kugirango ahabwe ubuhungiro harimo kuba akigera mu Rwanda yari kujyanwa mu cyo yise “indoctrination program”, gusa ananirwa kwerekana uburyo iyo porogaramu yari ikubiyemo gahunda zo kumuhohotera. Byaje kumenyekana ko iyo porogaramu yavugaga ari ‘Ingando’ inyurwamo n’abanyeshuri bose bagiye gutangira kaminuza n’amashuri makuru mu Rwanda cyangwa abize hanze yarwo, gahunda imara igihe kirenga ukwezi.

Mu byemezo byafashwe n’urukiko rw’ubujurire kuri uyu wa Kabiri byabashije kubonwa na RNA, abacamanza bavuga ko Heza atabashije kwerekana mu buryo busobanutse ukuntu yagirirwa nabi ageze mu Rwanda bitewe n’ubwoko bwe, idini, ubwenegihugu, cyangwa kuba umunyamuryango w’itsinda runaka.

Se wa Heza yakuwe ku mirimo ye muri Leta y’u Rwanda

Ikibazo cya Heza Perezida Kagame yaje kugira icyo akivugaho ubwo yari yitabiriye umuhango w’itangwa ry’impamyabumenyi ku Banyarwanda bari barangije muri LaRoche College wabereye muri Kaminuza Nkuru y’u Rwanda, icyo gihe agaya iyo myitwarire.

Se wa Heza mu myaka ya za 2001 ubwo uyu musore yatangira gusaba ubuhungiro yakoraga muri Leta ari Umuyobozi Mukuru muri Minisiteri y’Imirimo ya Leta, yari kandi n’umunyamuryango wa FPR, gusa mu mwaka wa 2002 yaje kuvanwa mu mirimo ye. Uyu mugabo ntago na n’ubu amazina ye aramenyekana.

Mu idosiye yo gusaba ubuhungiro, mu mwaka w’2003 Heza yongeyemo ko Perezida Kagame yinjiye ubwe mu kibazo cye, kuburyo byatumye se akurwa ku mirimo yari afite muri guverinoma. Urukiko rw’Ubujurire ibi rwabihakanye ruvuga ko ntashingiro bifite ngo kuko ise yakomeje kuba mu Rwanda na nyuma y’uko akurwa ku mirimo ye, kandi ngo yavaga mu Rwanda ajya hanze yarwo uko yishakiye ngo kuko yakundaga kujya Kenya akagaruka.

Abacamanza kandi baje no kuvumbura ko Heza yasabye ubuhungiro bwa mbere amaze imyaka hafi ibiri nta byangombwa bimwerera kuba muri Amerika afite, ibi nabyo bikaba bitemewe n’amategeko.

Icyemezo cy’Urukiko rw’Ubujurire ntikigaragaza neza niba Heza azagarurwa mu Rwanda cyangwa niba azakomeza kujurira mu zindi nkiko.

Uko barindwi bacitse banga kugaruka mu Rwanda

Tariki 6 Kamena 2001, abanyeshuri 14 barangije amasomo yabo muri LaRoche Collge, barindwi muri bo indege yari kubajyana mu Rwanda nyuma y’icyumweru barangije yarinze ibasiga baburiwe irengero.

Umunsi wo kugaruka mu Rwanda, LaRoche College yakodesheje bisi yagombaga kubakura I Pittsburgh muri Leta ya Pennsylvania ahoo iryp shuri riherereye, ikabajyana I Washington DC aho bagombaga gufatira indege yari kubajyana mu Rwanda. Abanyeshuri barindwi ntibigeze bahaboneka. Muri bo harimo Charles Heza.

Hejuru ku ifoto:

Charles Heza wimwe ubuhungiro muri Leta Zunze Ubumwe za Amerika

Foto: C.H

Kayonga J.

facebook
More Articles | >>View all news in this category
Icyemezo cyo gukuraho buruse cyakiriwe neza n’abanyeshuri – murigande
 
Minisitiri w 'intebe bernard makuza yashyize ahagaragara gahunda ya guverinoma y 'imyaka irindwi
 
Umunyapolitiki nayinzira jean nepomuscene aravugwaho gukora imirimo y 'ubupfumu
 
Umuseso n 'umuvugizi byaba byiteguye gukomeza gukorera mu rwanda nyuma yo kurangiza igihano?
 
Benin: georges rutaganda wari ufungiye ibyaha bya jenoside yaguye muri gereza
 
Nyuma ya mbarushimana, ku rutonde rw’abashakishwa hatahiwe brig gen bosco ntaganda - moreno ocampo
 
Umurusiya viktor bout arahakana ko yagurishije intwaro ku rwanda
 
urukiko rwa arusha rwasanze erlinder nta budahangarwa afite, u rwanda rugiye gukomeza kumukurikirana
 
Umuvugizi w’ingabo lt col jill rutaremara arabeshyuza amakuru avuga ko afunze
 
U bufaransa: callixte mbarushimana, umwe mu bayobozi ba fdlr yatawe muri yombi
 
Page:1 | | 2| | 3|
AuthorsComments
Page:1 | | 2| | 3|
by cavaalfa Posted 3 days 16 hr ago

mbere na mbere umuntu afite uburenganzira bwo kuba aho ashaka kdi iyo umuntu adashaka gufatanya nabo basangiye ururimi, amateka n 'ibindi kdi icyo yagatanze nk 'umusanzu akaba yaragihawe n 'igihugu yihakana ni ba nabivuga ni yishyure leta ubundi aho ashaka kuba nahemererwa ahabe ariko aziko ari ikigwari kuko yaterereranye abandi murugamba rwo kwiteza imberere, kdi kuza agafatanya n 'abandi ntabwo jye mbibona nko gufasha ahubwo n ' inshingano

0
bad good




 
by irangoye Posted 3 days 18 hr ago

yeeh
nibyiza pee nanjye nabikora
ubwose ayomafaranga ba mutanze ho muligande azayishyuza nde angana iki yari kwishyurira abangana iki muri unr muribo se hari uwari gutorroka?

ibyobyo se ni ingaruka zibimenyane biri muri education
ahubwo nabandi nka heza courage

0
bad good




 
by Unknown Posted 3 days 20 hr ago

ahubwose ntubyumva ko se ariwe wazibashakiye.bagahita bagenda yumvise ko se bamuki mbije kubera amafuti yase agatinya none ngo twe tuba mu rwanda bagiye guhagarika amafaranga 25000

0
bad good




 
by jamesate Posted 5 days 17 hr ago

nta mwirabura wera de! Kandi nta wera wera de! Imana niyo yera gusa. Yabona ubuhingiro mubera(abazungu-amerika) azitwa umunyarwanda wahunze naho yabona ubwenegihugu azitirirwa urwanda(umunyarwanda_nyamerika). Amahoro ntahingwa, ntahahwa, ntatirwa, ntagurizwa ntanubwo azanwa nintambara. Amahoro ava mubwonko butuje no kumutima ukeye. ibyo byombo byombi nimpano yimana si impano yamerika. Soma bibiliya yakobo 4:1-3. Mubanyarwanda intambara zivahe?

0
bad good




 
by jamesate Posted 5 days 18 hr ago

hmmm! Uwahungira ku mana kuri jye yaba ari intwari. Naho ntakuva aho wita mumuriro ugahungira mukibatsi cyawo. Iyo utari mumana hose haraka,

0
bad good




 
by piit5000 Posted 5 days 18 hr ago

Ariko abanyarwanda rwose turababaje gusa!!! ubutiku, ubugome, ishyari nicyo dushoboye gusa.. abanyarwanda benshi ndetse nabo mubindi bihugu baba hano north amarica cg europe ntawuyobewe ko biba ari ukwishakira imibereho y 'ubuzima buri imbere.. twese dukunda igihugu cyacu kuruta ahandi hose, tuba turi hano twishakira imibereho kandi uretse udushyari twanyu muba mubizi neza.. Mujye mwandika amakuru afitiye igihugu akamaro mureke amateshwa nkaya rwose, ahubwo musenge Imana namwe izo visas zibagereho maze niba binagenda neza aho ngaho nibura mutembere mwige n 'ubundi bumenyi maze mufashe mzee Paul kubaka igihugu. naho ubundi nimukomeze mudutiku n 'udushyari muzongera mutwike nibyari bimaze kugerwaho ndakurahiye..

0
bad good




 
by Unknown Posted 5 days 10 hr ago

Mureke imbwa burya koko injiji zize zirahari koko yababaa
ubwo se arigira ibiki muhaye igihe kitazwi azabona dore ndi i Rwanda
ikibazo ni iki ' 'gusibira abandi amayira ' '

0
bad good




 
by kavurati2005 Posted 6 days 16 hr ago

Mureke Mbabwire mwebwe muvuga yuko uwajya hanze ntiyagaruka. Ibyo nimyumvire yumuntu kandi ntaba akwiye kugenda yanzakwa avuga ibidakwiye ngo Leta mara Kagame nasabe ubwenegihugu neza adashebeje urwanda. Ndababwiza ukuri ko mperutse kujya Norway mumuji wa Oslo ariko ngarutse bamwe barumiwe barantuka ngo ngaruwe niki? Kami kamuntu numutima we. jyewe nzi neza kuba impunzi aho ariho hose Imana izabindinde.

0
bad good




 
by Unknown Posted 6 days 8 hr ago

ubundi se waba ugaruka kumara iki?mw 'uyu muriro utazima,aho byose bica mu shyaka,ubuzima bwa buri munsi bukaba bwarabaye,...nuko bamwngiye ariko tutabeshye ntawifuza kuba muri uru Rwanda!nabo rugaburira bari kugenda!Nta FPR nta MRND ariko n 'ibiramambu nangwa na MRND

0
bad good




 
by Unknown Posted 6 days 8 hr ago

Kuva kera Abo umwami yahaye amata nibo bamwimye amatwi. Nibareke uriya musore, na Alexandre Kimenyise nawe ntiyari yaragiye kuri bourse mu izina rya gouvernement y 'u Rwanda, byagenze gute? Siwambere ugiye, ababiriwa basakuza ntibazi izamarere zagiye kwiga zihawe bourse na gouvernement y 'u Rwanda? Itonde rata wenda wazaza nawe utuzaniye demokrasiyo kwitoresha hafi 100% nk 'iyo izamarere zatuzaniye

0
bad good




 
by masterbush85 Posted 6 days 9 hr ago

It 's better u mind ur bus ntimugasebye bagenzi banyu, and byaba byiza mugiye mwandika nkibyo hanyuma mukanatanga ni nama thanx.

0
bad good




 
by hagpeter Posted 6 days 10 hr ago

Ndifuza gutanga ibitekerezo:
Ndinde? nanjye ndi umwe mubiga hanze kuri buruse ya leta. sinemeranya nabavuga ko abantu babiri bavukana batabona buruse ,none se igihe babishoboye nta kimenyane cyabayeho? no mu zindi domaine bibaho reba muri politiki muri amerika binyuze muri demokarasi abavandimwe bavukana babaye president.
Ese numva nataha cyangwa nagumayo?
Mu byukuri mu rwanda hari ibibazo(ubukene n 'ibindi )ariko ntabwo umuti w 'ibibazo ari ukubihunga.Nemera ko umuntu afite droit yo kuba aho ashaka ariko na narimwe igihugu cyatera imbere abanyabwenge bagihunga, dukwiye gufatira urugero ku bashinwa boherezwaga hanze bakagaruka bagateza igihugu imbere ubu umushinwa ashaka yajya kuba aho ashaka kuko iwabo bahateje imbere.kubwanjye igihe ntikiragera ko uwize hanze yahaguma,nibaze bafatanye,bigishe abasigaye mu gihugu.Please iwanyu ni iwanyu uko haba hameze gute!

0
bad good




 
by nayigizikimusa Posted 7 days 12 hr ago

@ Mahoro
Plse reka itiku.Ibya Rwigema ubijemo ute ko atariwe inkuru ivugaho?Ibyo babyita gushyomoka no kwivanga.Kandi wasanga uri muri babantu bahora barebuzwa uko ubandi babayeho aho kureba icyaguteza imbere!Gasopo ujye ureba ibikureba, ibitakureba urebe hirya.

0
bad good




 
by benpe13 Posted 7 days 16 hr ago

kuba baragiye bavindimwe ntakibazo krimo,uko basobora no kuba bari babikwiye bose!naho uriya musore ni ubuzima yishakira!ntabwo yanga igihugu cye kuko abanye na cash wabona azamura imiturirwa ano muri KGL,plz ntimumutere ibuye!!!!

0
bad good




 
by inkuru Posted 7 days 17 hr ago

HEZA N 'ABANDI BATEKEREZA NKAWE NDABAGAYA CYANEEEEE!!! ABANTU NKABA BARASANZWE!!! BURIYA N 'UBUBWA GUSA!!!!!
UBWO SE KO NUMVA ISE YARI UMUYOBOZI YASHAKAGA IKI KO NAWE YAGOMBAGA KUZA AKAYOBORA AHUBWO!!!
EREGA NA ZIRIYA BOURSE NTABWO ZABONAGA ABANTU BENSHI KIRIYA GIHE!!!!
REKA NKUBWIRE SHA, MURIBESHYA CYANE. nJYE NAGIYE KWIGA IBURAYI KANDI NDANGIJE NDAGARUKA. UBU NUBWO NTAKOMEYE MURI LETA BWOSE KANDI NTAKIZE, NDANEZEREWE CYANE KO NDI MUGIHUGU CYANJYE. MWE MUVUGA IBYA KUBA HANZE NUKO MUTABIZI SHA!!!!
WASANGA URIYA HEZA YIRIRWA YOZA AMAAHANE CYANGWA AKORA MURI NAKUMAT YAHARIYA KANDI YASHOBORAGA KUZA AGAKORESHA UBWENGE YAGIYE GUHAHA MURI USA.
NJYE NARAHASHYE NDATAHA KANDI NIYO NAMA NKUGIRIYE WOWE UZASOMA IBI.

0
bad good




 
by rumfelix Posted 7 days 18 hr ago

ariko umuntu nka yvetteka buriya si umuswa ndavuga umuswa kuko ntakwiye kuvuga ngo umuntu agarutse yaba iki se ko ntawuzira ubucucu bwe uretse ko ntakeka koa ari ubucucu ahubwo ni ubugome iyo igihugu kirihiye umuntu yarangiza agahunga ese mwagiye muhunga mugifite ibimyira kumazuru ariko mubona murenze igihugu kumahoro dore ko muba mwagiye kwiga nti muhanaguwe cya kimyira kuko muba mubona mumaze kunyunyuza abanyarwanda basigaye maze si ugu crea itiku kakahava ngo leta irangendaho ariko leta igenda kumuntu uba ukirangiza kwiga ntahantu nahamwe abayari bwagahurire n 'abandi ngobagira icyo bapha none koko leta yananirwa gukomeza gahunda ziteza imbere abanyagihugu ikajya kwisiga ibyondo ngo iragenda kumuntu uba atari yaba n 'umuntu imushakaho iki koko? none yvetteka ngo baracecetse mwaramaze imipaka irafunguye nzwe uzahunge ni ba wumva aribyo bikubaka hanyuma nugera hanze uzinigura gusa nti wananirwa kwinigura uri iwanyu ngo uzinigurira iwabandi ahubwo imana ibagenderere mugabanye ibifu byanyu mwe mwumva ko hanze hari ibiryo

0
bad good




 
by kim Posted 7 days 18 hr ago

sha mwagiye mwituriza ko muba mutazi iyo biva niyo bijya.

0
bad good




 
by Unknown Posted 7 days 18 hr ago

Arrêtons de juger les gens! Uwo musore afite ses propres raisons zituma atagaruka kandi turabizi ko les raisons ne manquent pas!soyons réalistes!

0
bad good




 
by franck15 Posted 7 days 19 hr ago

Ndabaza soulmanfreedom. Ese Iyo leta yamurihiye ishuli ikamuha amahirwe yifuzwa nabenshi niyo isubira inyuma ikamurenganya? Uyu musore niki ugereranyije na miliyoni zirenga icumi ziri murwanda. Nibyo ko hari byinshi bitagenda mugihugu ariko hari nababigira ibyitwazo kugira ngo bibera aharyoshye nku muri amerika. tumenye gutandukanya ukuri nibinyoma. Uyu musore arashaka kwiberaho neza. Siwe wenyine ufite ibyo bibazo. ese ntiwumvise ibyabaye kuri aunty wa Obama nawe wasabaga ubuhungiro. Nanjye kera hari abambwiye kujya muri amerika ngakora nkuko abandi bakora: kwigira impunzi. Ubundi icyo benshi bahunga ni incertainty nubukene buri mubihugu byacu. Tureke kubeshyera leta duha abanyabinyoma agaciro badafite.

0
bad good




 
by bgsex Posted 7 days 19 hr ago

Charles Heza Wee Njye Ndagusabiye Wibonere Ahandi Wihisha Kuko Ugize Ibyago Ukoherezwa mu Rwanda, Nugira Imana Bazakugira nka NTAGANDA kuko Nibakugira nka RUGIGANA Haaaaaaaaa! Aba bose Bavugubusa Wagaruka mu muriro uwureba????
Abo Bayobozi Muvuga Bizehanze se Ugira Abenshi Hari Ugira Umwana we cg Umugore Mu Rwanda nabahasigaye Bose Banditse Mumpunzi zirindiriye Kubona Ibihugu Bibakira, Babivuze Ukuri Koko UMUGABO MBWA ASEKA IMBOHE. Namwe Nuko Mwabuze Uko Mwigira. Charles Heza Nyagasabi Agufashe Ntibazakohereze Mu Rwanda. Kandi Nibakohereza Uzasabe Imana Imbaraga Nkizo DANIEL Yinjiranye Mu Rwobo Rw 'Intare.

0
bad good




 
by myname Posted 7 days 20 hr ago

Ndabona gutera imbere biri kure kabisa niba aboherejwe kujya kurahura hanze bagerayo bakamagana uwabagaburiraga kubera inda zagutse. Njye ndisabira Leta gushora cash mu mashuri yayo hano mu rwagasabo, aho kugira ngo ijye ita imisoro yacu ku bacancuro, ubundi ijye itumiza abarimu bo muri izo za kaminuza zizwi baze batwigishe. wenda natwe bene ngofero twakwiga neza turi benshi.

0
bad good




 
by Unknown Posted 7 days 20 hr ago

Uyu muryango ndawemeye ... ubyara abahanga gusaaaaaaaaa harya icyo kizami gitangirwa he ra?

0
bad good




 
by Stolenman Posted 7 days 20 hr ago

Mbega umwana ushira isoni!! Yanze kuba iwabo ngo arashaka kwibera mu gasozi? Uziko ari agahomamunwa! Ubu se ko abo ba rutuku nabo bamumenesheje arabigenza ate bahu?! Ariko se bariya bo bavuga ngo bamaze imyaka irenga icumi baba mu mahanga, barangiza ngo mu Rwanda nta burenganzira nta terambere rihari, babizi gute ko batahaba? Uziko mugira amazinda koko! Muzagaruke mwirebere maze mureke kuvuga ibyo mu makuru mutoragura kuri ibi byuma honyine kuko habamo impuha nyinshi mwo kanyagwa mwe! Ni ukuri kw 'Imana u Rwanda ruragendwa n 'abasore basobanutse n 'abakobwa wakwa ijana n 'abana bato b 'ibisekeramwanzi, n 'abasaza b 'impanuro n 'abakecuru b 'impuhwe, ba mukerarugendo turarana inkera namwe muti iki? Mu Rwanda bwarakeye ntabwo basinziriye.

0
bad good




 
by krobs2000 Posted 7 days 21 hr ago

yemwe abavuga mwacecetse ko muvuga kuko mufite aho muhera.
Mbere ya 94 se ninde wabashaga no kugira complaint atanga. ese wabaga wamenye n 'ibyabaye ko mwasaga n 'abapfukiranywe mu gikarito.
None mumaze kujijuka aho gushima Kagame ahubwo muravuga ubusa.
Kudashima no kutanyurwa nibyo byabasaze kuko jye mbona muzehe wacu ntako atagira. Ese mwanamushimiye ko yamenye ayo manyanga nibura ise akavanwa ku mirimo ye.
Ibyo se hari aho bihuriye na mbere aho n 'uwicaga yahembwaga.
Jye mbona ubuze ibyo uvuga wahitamo kwicecekera kuko ubu dukeneye ibitekerezo byubaka igihugu cyacu.
Muzabaze ibyo bihugu birukankiramo inzira byaciyemo kugira ngo bigere aho biri ubu.
Bimwe byari n 'inyuma y 'aho icyacu kiri. None leta irigomwa igatanga udufaranga duke ngo iratangirire abana bayo kugira ngo bazafashe mu kubaka igihugu ahubwo bagahunga.
Jye mbona gshyigikira uyu muhungu ari ubupfu kuko niba ari impfura nibura yari no kugarura ayo mafaranga agasezera ku neza kuko nzi bamwe babikoze ntibagire ikibazo.
Burya igihugu ni umubyeyi wa twese kugisebya rero ni ugusebya umubyeyi wawe kandi ibyo ni ubupfu.

0
bad good




 
by Unknown Posted 7 days 21 hr ago

uyu musore keza arambabaje kweli! guhombya igihugu cyawe aka kageni. ntuzanakirira iyo nge nkubwire. burya koko ngo inyiturano y 'ibishyimbo ni imisuzi!!!!!!! smiley

0
bad good




 
:) :D ;) :p
:lol: :euh: :( :o
:colere2: o_O ^^ :-°
Email Adress :
Place your comment here:
Choose your avatar:
More Articles | >>View all news in this category
Perezida kagame muri libya mu rwego rwo kwitabira inama ya kabiri ihuza afurika n 'ibihugu by 'abarabu
 
Abanyarwanda bakwiye kurangwa n’urukundo rw’igihugu – prof karangwa
 
Mukamira: umusirikare yarashe batanu arabahitana, abandi 13 barakomereka
 
Icyemezo cyo gukuraho amafaranga ahabwa abiga kaminuza cyafashwe na guverinoma, ninayo yagihindura- minisitiri murigande
 
Urukiko mpuzamahanga mpanabyaha ku rwanda rwa arusha mu bibazo by 'inzitane
 
Abagande babiri bafungiye mu rwanda bemerewe kubonana n 'imiryango yabo n 'abazabunganira
 
Guverinoma ikwiye gukorera hamwe - perezida kagame
 
Bad yateye inkunga ya miliyoni 30 z’amadorali y’amanyamerika uruganda rwa cimerwa
 
Latest Videos in this group
video
Ubwo Raporo kuri Brodband yashyirwaga ahagaragara
video
Tony Blair asaba abashoramari kuyishora mu Rwanda...
video
Ikiganiro cya Perezida Kagame kuri Al Jazeera
video
Imirwano yararose hagati y'abagize Inama Nyobozi ya Nairobi
video
Ibirori byo kwizihiza intsinzi ya Paul Kagame kuri Stade Amohoro
video
Indorerezi za Coomonwealth zishimira imigendekere y'amatora mu R
video
Ibarura ry'Amajwi n'intsinzi ya Paul Kagame (AFP)
video
Demokarasi mu Rwanda? (Al Jazeera)
video
Amatora
video
Umukandida Kagame yiyamamariza i Huye tariki 30 Nyakanga
video
Ubwiyunge
video
Umukandida Kagame yiyamamariza i Muhanga tariki 24 Nyakanga 2010
video
Abategarugori muri Guverinoma
video
Umukandida Paul Kagame yiyamamariza i Karongi
video
CNN : Christiane Amanpour Interview Paul Kagame 19 march 2010
Copyright © 2009 - 2010 - IGIHE Ltd - All Rights Reserved
Ibyerekeye iyubahirizwa ry’ubuzima bwite (Privacy policy) | Uburyo bw'imikoreshereze (Terms of use)
Our blog : http://blog.igihe.com