Ahabanza Amakuru Abo turibo Amamaza Twandikire Umuryango Mail
Ibirimo
MTN Ads
BPR Ads
Radio Izuba
RSS Feed
Google Ads
Umuryango
igihe.com ifite Abanyamuryango
2964
. : : Iyandikishe : :
Amakuru atandukanyeHirya no hinoUtuntu n'utundiUyu munsi mu mateka

Urukiko Mpuzamahanga Mpanabyaha ku Rwanda rwa Arusha mu bibazo by 'inzitane


posted on Oct , 09 2010 at 15H 49min 17 sec viewed 13011 times



Mu gihe urukiko rwa Arusha rwiteguraga kurangiza imirimo yarwo mu minsi ya vuba, ubu noneho ngo ruri mu bibazo byo kubura ubushobozi ndetse n’abakozi bafite ubuhanga n’inararibonye kuko basezera bakajya kwishakira indi mirimo ibahemba neza kandi ikabaha icyizere cyo kuzakora igihe kirekire.

Nk’uko Perezida w’urwo rukiko Dennis Byron yabitangarije inama rusange y’Umuryango w’Abibumbye kuri uyu wa Gatanu, ngo bakomeje kubura abakozi benshi ku buryo kuva muri Nyakanga 2009 kugeza Kamena 2010 abakozi bagera ku 167 bamaze gusezera. Akaba avuga ko abo bakozi aribo urukiko rwari rushingiyeho kuko ari abahanga kandi bamenyereye akazi, ubu ngo bakaba bari kujya mu bindi bigo aho basinyishwa amasezerano y’igihe kirekire.

Nk’uko Dennis Byron yakomeje abibwira abanyamuryango bagera ku 192 bahagarariye ibihugu byabo mu Muryango w’Abibumbye, ngo n’ubwo urukiko ruri mu bukene bwaba ubw’abantu ndetse n’amafaranga, ngo bakoze uko bashoboye kose kandi hari umusaruro ufatika bagaragaje mu myaka 16 bamaze bakora ku buryo hakwiriye kuboneka ubundi bufasha ngo bazabashe gusoza imirimo yabo neza mu myaka 2 iri imbere.

Si urukiko rwashyiriweho U Rwanda muri Arusha gusa ruri guhura n’ibibazo bimeze bityo kuko n’urukiko rwashyiriweho kuburanisha ibyaha by’intambara n’ubwicanyi bwo muri Ex-Yougoslavie rukorera I La Haye mu Buholandi narwo ruri mu mazi abira.

Ngo abakozi bakomeye barwo nabo bari gusezera ku muvuduko udasanzwe kandi amafaranga asa n’ayamaze kubashirana kuko bongeje imanza baburanishaga. Ni ukuvuga ko mu gihe baburanishaga imanza 6 icyarimwe, ubu noneho bari kuburanisha imanza 10 kandi nta bushobozi burenzeho bwo kubafasha gukora iyo mirimo bigeze bahabwa.

Nk’uko Umucamanza Patrick Robinson uyobora urukiko rw’I La Haye yasoje amaze kuvuga ibibazo urukiko ayobora rufiye, yibukije ko gukora inkiko zizaburanisha ibyaha mpuzamahanga byari nk’inzozi, ati : «Twari dukwiriye kwishimira ko ibi twabigezeho. Niyo mpamvu twari dukwiriye gushaka izindi mbaraga dutera uru rukiko ngo ruzabashe kurangiza imirimo yarwo. »

SHABA Erick Bill
facebook
More Articles | >>View all news in this category
Icyemezo cyo gukuraho buruse cyakiriwe neza n’abanyeshuri – murigande
 
Minisitiri w 'intebe bernard makuza yashyize ahagaragara gahunda ya guverinoma y 'imyaka irindwi
 
Umunyapolitiki nayinzira jean nepomuscene aravugwaho gukora imirimo y 'ubupfumu
 
Umuseso n 'umuvugizi byaba byiteguye gukomeza gukorera mu rwanda nyuma yo kurangiza igihano?
 
Benin: georges rutaganda wari ufungiye ibyaha bya jenoside yaguye muri gereza
 
Nyuma ya mbarushimana, ku rutonde rw’abashakishwa hatahiwe brig gen bosco ntaganda - moreno ocampo
 
Umurusiya viktor bout arahakana ko yagurishije intwaro ku rwanda
 
urukiko rwa arusha rwasanze erlinder nta budahangarwa afite, u rwanda rugiye gukomeza kumukurikirana
 
Umuvugizi w’ingabo lt col jill rutaremara arabeshyuza amakuru avuga ko afunze
 
U bufaransa: callixte mbarushimana, umwe mu bayobozi ba fdlr yatawe muri yombi
 
Page:1 |
AuthorsComments
Page:1 |
by Unknown Posted 4 days 18 hr ago

uyu wavuze ko abaringa kaminuza mu rwanda badafite ubumenyi buhagije njye ndumva atabeshya. Perezida Kagame ubwe yabivugiye imbere y 'ibihumbi by 'abanyeshuri i Butare agaya abashinzwe uburezi ubwo yavugaga ko hari benshi bagera hanze bakirukanwa kubera nta basic knowledge bajyanye. Ikindi, kereka utari mu kazi hanze aha niwe wabihakana, ubonye ibisubizo abarangije za kaminuza nyinshi hano iwacu batanga mu bizami, impapuro zisaba akazi bandika, uburyo bakora akazi iyo babashije kukageramo, etc, wakwicwa n 'agahinda. Gusa si ukuvuga ngo uwabigishije niwe utarabikoze neza ahubwo igihugu nta mikoro cyifitiye. None se wakwiga science utagira lab nzima, ishuri rikaba ritagira ibitabo, warangiza umwarimu? ntawutanga icyo adafite. Gusa ibi hari abatabyemera kuko iyo ukubaza nawe yanyuze aho wanyuze muba mubunganya ntiyakubaza ibyo nawe atasubiza.

0
bad good




 
by Unknown Posted 4 days 22 hr ago

Ku musomyi witwa Unknown.

Ndagirango nkubwire ko BLACKPANTHER yakubwiye ukuri nubwo kukubabaje. Uri negativiste ariko ntuzi kwihishira. Uti abarangiza kaminuza murwanda bafite ubumenyi buke; kandi ko ubizi kuko wabigishije; ndagirango nkubwire ko bibabaje kumva ko abo wigishije batagira ubumenyi buhagije. Niba koko ubagaya, nuko uzi neza ko ibyo wigishije ntacyo byabamariraga. Kandi uranatsinda, ntawutanga icyo adafite. Soit urumwarimu wumuswa utanga uburozi kubanyeshuri yishakira amaramuko, cg urumwarimu uroga abo wigisha nkana ugambiriye gusenya education Y 'Urwakubyaye. Uko biri kose birababaje, yiba wamenyekanaga abashinzwe uburezi murwanda bakagukanira urugukwiye bakurikije impamvu utanga amasomo nako uburozi ubwita amasomo kubanyeshuri.

Naho Kwikoma Blackpatheur, nukwigiza nkana kuko ushoboye kwivamo nkinopfu.

0
bad good




 
by Blackpanther Posted 4 days 9 hr ago

Biratangaje kubona umuntu uvuga ko yigishije kaminuza atangaza ibintu bitakorewe ubushakashatsi! Umenya koko habaho injiji zize!! Ese ubundi kuki utiyizera ugatinya kwerekana izina ryawe? Ubwo si uko uzi ko ibyo uvuga ari ibintu bitazwi?

0
bad good




 
by Unknown Posted 5 days 13 hr ago

Niko Blackpanther, ko mbona ubitinze ho, ubwo wibarira mu bazi ubwenge nk 'uko ubivuga?
Iyo kaminuza mvuga nayigishijemo, ndavuga ibyo nzi kandi nabonye. Urirengagiza ukuri cyanngwa ntusobanukiwe bihagije.

0
bad good




 
by Blackpanther Posted 5 days 18 hr ago

Urukiko se ruca urubanza rumwe mu myaka ibiri ubundi rwari kuzarangiza imanza z 'abakoze genocide ryari? Ko mbona abayikoze ari uruhuri! Buriya nyamara baretse kwipfusha ubusa, bakabohereza mu Rwanda bagashyikirizwa gacaca byabavana muri ibyo bibazo. namba nayo yaciye imanza zitabarika mu gihe gito. Hari na benshi yarekuye barengana. TPIR nifate icyemezo kitagayitse ibohereze mu Rwanda ititaye ku banyamagambo nkuriya wihandagaza ngo mu Rwanda abarangiza kaminuza nta bushobozi baba bafite! Ese hari ubushakashakatsi nibura wabikoreye ngo werekane imibare ushingiraho uvuga ibyo bigambo? Ibyo uvuga byitwa impuha nta muntu uzi ubwenge byatesha igihe. Wowe ndumva uri umunyabushobozi uzaze ukore ibirenze ibyo bakora turebe. kandi ubwo wasanga nta n 'ikigoroba wize muri Kaminuza!

0
bad good




 
by b640410 Posted 5 days 18 hr ago

ICTR nifunge imiryango kuko kuzuza inshingano zayo byarayinaniye. Harya iburanishije abantu bangahe mu myaka ingahe? Reconciliation nationale nk ' imwe mu nshingano zayo yayikuzeho iki? Ahubwo byakozwe na Leta y ' ubumwe bw ' abanyarwanda.

0
bad good




 
by Unknown Posted 5 days 8 hr ago

Ntibashobora kujyanwa mu Rwanda kuburanishwa, kuko urwaba rubategereje rurazwi kandi si ko bose bagize uruhare muri jenocide. Ikindi kandi imyigire n 'ubumenyi bw 'abarangiza kaminuza zo mu Rwanda buri hasi cyane byaje kumenyekana ndetse no kugaragara!
Wabonye aho umwarimu ategekwa gutanga amanota atakorewe? Atayatanga bikaba ari ibibazo yikururiye! Ni akumiro. Niba Arusha ifunze nibashyikirizwe izindi nkiko zikoramo abize nya kwiga.

0
bad good




 
by k.alisa Posted 6 days 12 hr ago

Urukiko rwa ARUSHA rushatse rwahagarara kuko kugeza ubu rwatatiye inshingazo zarwo zo kunga abanyarwanda .Ni urukiko rw 'igikoresho
byampatsibihugu bikoresha ubuyobozi bwacu ngo rubashimishe ku
rundi ruhande bakarega abo bayobozi .TPIR(Tribunal Penal d 'injustice
pour le Rwanda) Tribunal des vainqueurs et des vaincus.Abo ruburanira
usanga bavuga ijambo bemye naho abandi bubitse umutwe bakavugira mu
matamatama. Ni ukuvuga yuko ARUSHA iri ikimenyetso cyo gutanya
abanyarwanda kuko iyo uri umubyeyi ushaka gukiza abana ubajya hagati
kandi ukumva ibitekerezo bya buri mwana.Naho iyo ubogamiye hamwe uri
umubyeyi umwana umwe aragukunda undi akakurakarira,abana bagahora
baryana kuko utabaye umubyeyi mwiza.ARUSHA ntiyigeze iba ikimenyetso
cy 'inzira cy 'ubwiyunge n 'ubwumvikane abanyarwanda dukeneye.Niyo mpamvu
hariho abanyamategeko b 'abahanga batayemera abandi bayikuramo akarenge.
Amateka(l 'histoire ) mu minsi iri mbere azerekana yuko Arusha umusaruro
wayo ari muke.AHO GUHISHA UKURI NARYAMIRA UBUGI BW 'INKOTA !!!!

0
bad good




 
by kwibuka9 Posted 6 days 13 hr ago

njye ndabona iriya brusse rwose yagumaho kuko nubundi abanyeshuri bayihabwa aba ari inguzanyo izishyurwa

0
bad good




 
by Unknown Posted 6 days 14 hr ago

URUKIKO RWA ARUSHA NIBABURA ABAKOZI BAZABOHEREZE MU RWANDA BAZE KUBURANIRA YO KO TWE ABAKOZI TUBAFITE
KANDI ABANYAMATEGEKO BARANGIZA KAMINUZA BURI MWAKA IKIBAZO KIRI HE ???

ESE UBUNDI KO U RWANDA RWUBATSE I MPANDA NGO BAZE KURANGIRIZAYO IBIHANO
HARACYABURA IKI ???


0
bad good




 
:) :D ;) :p
:lol: :euh: :( :o
:colere2: o_O ^^ :-°
Email Adress :
Place your comment here:
Choose your avatar:
More Articles | >>View all news in this category
Perezida kagame muri libya mu rwego rwo kwitabira inama ya kabiri ihuza afurika n 'ibihugu by 'abarabu
 
Abanyarwanda bakwiye kurangwa n’urukundo rw’igihugu – prof karangwa
 
Mukamira: umusirikare yarashe batanu arabahitana, abandi 13 barakomereka
 
Icyemezo cyo gukuraho amafaranga ahabwa abiga kaminuza cyafashwe na guverinoma, ninayo yagihindura- minisitiri murigande
 
Urukiko mpuzamahanga mpanabyaha ku rwanda rwa arusha mu bibazo by 'inzitane
 
Abagande babiri bafungiye mu rwanda bemerewe kubonana n 'imiryango yabo n 'abazabunganira
 
Guverinoma ikwiye gukorera hamwe - perezida kagame
 
Bad yateye inkunga ya miliyoni 30 z’amadorali y’amanyamerika uruganda rwa cimerwa
 
Latest Videos in this group
video
Ubwo Raporo kuri Brodband yashyirwaga ahagaragara
video
Tony Blair asaba abashoramari kuyishora mu Rwanda...
video
Ikiganiro cya Perezida Kagame kuri Al Jazeera
video
Imirwano yararose hagati y'abagize Inama Nyobozi ya Nairobi
video
Ibirori byo kwizihiza intsinzi ya Paul Kagame kuri Stade Amohoro
video
Indorerezi za Coomonwealth zishimira imigendekere y'amatora mu R
video
Ibarura ry'Amajwi n'intsinzi ya Paul Kagame (AFP)
video
Demokarasi mu Rwanda? (Al Jazeera)
video
Amatora
video
Umukandida Kagame yiyamamariza i Huye tariki 30 Nyakanga
video
Ubwiyunge
video
Umukandida Kagame yiyamamariza i Muhanga tariki 24 Nyakanga 2010
video
Abategarugori muri Guverinoma
video
Umukandida Paul Kagame yiyamamariza i Karongi
video
CNN : Christiane Amanpour Interview Paul Kagame 19 march 2010
Copyright © 2009 - 2010 - IGIHE Ltd - All Rights Reserved
Ibyerekeye iyubahirizwa ry’ubuzima bwite (Privacy policy) | Uburyo bw'imikoreshereze (Terms of use)
Our blog : http://blog.igihe.com