Umurinzi w’ahororerwa Amasatura, yihingiyemo ikiyobyabwenge cya Cannabis
posted on Sep , 20 2010 at 11H 08min 15 sec viewed 3672 times
Mu gihugu cya Autriche ahitwa Hellbrun, umurinzi w’ahororerwa Amasatura (Zoo des rhinocéros), yishingikirije ko ahantu zororerwaga hari ahantu hatageraga undi muntu, yahise ahafata ipariseli (parcelle) yihingiramo ikiyobyabwenge cyo mu bwoko bwa Cannabis.
Ngo yamaze imyaka myinshi ahinga iki kiyobyabwenge akanagicuruza ariko nta muntu wo mu buyobozi bwaba ubwa Zoo cyangwa ubwa Polisi ubizi. Nyuma rero ngo yaje kuregwa n’umwe mu bakiriya be kuko yabonaga bikabije.
Amakuru atangazwa na Polisi ya Autriche, nkuko yabitangarijwe n’Umuyobozi w’iyo Zoo, ni uko ngo uyu mugabo yari afite ibiti bigera kuri 30 by’ikiyobyabwenge cya Cannabis aho hantu hatazwi.
Nyuma yo gutabwa muri yombi rero, uyu murima w’ikiyobyabwenge cya Cannabis wahise urandurwa uyu mugabo na we yirukanwa ku kazi akaba kandi ubu akurikiranywe na Polisi.
Le Figaro yanditse iyi nkuru ikaba ivuga ko uyu mugabo ngo yari afite imyaka 59, akaba yari amaze igihe kitari gito yarizewe n’ubuyobozi bw’iyi Zoo.
Simbi
|