Dubai: Nyuma yo kuvukira muri hotel uyu mwana yemerewe kuba yayibamo imyaka ye yose

posted on Oct , 14 2010 at 17H 48min 26 sec viewed 2423 times

Umubyeyi w’uyu mwana rero yari mu biruhuko muri Hotel imwe mu mujyi uzwi cyane wa Dubai, ubwo byaje kuba ngombwa ko yibaruka mbere y’uko agezwa ku bitaro, umuherwe nyiri iyi hotel rero byaje kumushimisha bidasanzwe maze yemerera uwo mwana ko ashatse yayituramo imyaka ye yose.

Nk’uko Gulf News ibitangaza umubyeyi w’uyu mwana ni umurusiya wari hano mu biruhuko, none kuhabyarira abikuyemo amahire atagirwa na bose.

Kubera gukererwa kujya ku bitaro no kutamenyera umujyi neza byaje kumubera ngombwa ko abyara ari muri iyo hotel aho yabyajijwe n’umwe mu bakozi bayo, abyara umwana w’umukobwa. Ayo makuru amaze kugera kuri nyiri hotel Mohammed Arshad Shah yahise atangaza ko uyu mukobwa ashobora kujya agaruka igihe cyose ashatse agakorerwa ibibera muri iyi hotel byose ku buntu ndetse yanabishaka akaza kuhatura ubuzima bwe bwose.

Simbi