Bimwe mu byibukwa kuwa 01 Nzeli mu mateka y'isi
01/09/0070 : Nibwo Umwami w’Abami w’Abaroma Titus yatangiye gusenya Yeruzalemu, nk’uko Yezu /Yesu yari yarabihanuye, avuga ko izarimburwa ntihagire n’ibuye risigara rigeretse ku rindi.
Irimburwa rya Yeruzalemu kuwa 01/0/0070
Nyuma yo gusahurwa Yeruzalemu yahawe inkongi
01/09/1159 : Hatabarutse Papa Adrien IV.
01/09/1715 : Hatabarutse Umwami Louis XIV, bitaga Zuba « le Roi-Soleil » wayoboye u Bufaransa (1643 – 1715). Yatabarutse afite imyaka 77, asimburwa ku ngoma n'umwuzukuruza we wafashe izina Louis XV, kandi uyu yimye ingoma afite imyaka itanu. Mu gihe yari atarakura, ibyemezo bikomeye byafatwaga na Duc Philippe d’Orléans.
Umwami Louis XV ubwo yari afite imyaka 12
01/09/1181 : Hatowe Papa Lucius III.
01/09/1494 : Ingabo za Charles VIII zigaruriye u Butaliyani.
01/09/1894 : Ishyamba rya Hinckley muri Leta Zunze Ubumwe za Amerika ryafashwe n’inkongi, ihitana abantu 413.
01/09/1916 : Bulgarie yagabye igitero gikaze kuri Roumanie, hari ahagana umusozo w’intambara ya mbere y’isi.
01/09/1923 : Abantu 250 000 bahitanywe n’umutingito ukaze w’igipimo cya 8.3, wibasiye Yokohama mu Buyapani.
01/09/1939 : Ku bw’ubwoba bagiriraga Hitler n’u Budage bwe, Pologne yafashwe n’Abadage nta sasu rirashwe.
01/09/1956 : Nibwo Togo yabonye ubwigenge.
01/09/1969 : Nibwo Colonel Kadhafi yafashe ubutegetsi, ahita ategeka ko Libya ibaye Repubulika izahora igendera ku mahame ya cyarabu na Islam. Kuva icyo gihe Libya yagiranye umubano ukomeye n’ibihugu byo mu Burasirazuba bwo hagati (Middle East/Moyen Orient) naho umubano wayo na Afurika yo munsi y’ubutayu bwa Sahara uragabanuka. Uko imyaka yatambukaga, umubano na USA n’ibihugu by’Iburayi warushijeho kwangirika.
Colonel Khadafi (1974) nyuma y'imyaka itanu afashe ubutegetsi. Hano ari kumwe na Berulsconi
01/09/1971 : Nibwo Qatar yabonye ubwigenge
01/09/1979 : Icyogajuru Pioneer 2 cy’Abanyamerika cyageze mu kirere cya Saturne.
01/09/1983 :Indege Boeing-747 ya Korean Airlines yarashwe n’ingabo z’Abasoviyeti nyuma yo kwinjira mu kirere cy’igihugu itasabye uburenganzira. Hapfiriyemo abantu 269.
01/09/1985 : Nibwo Abashakashatsi b’Abafaransa n’Abanyamerika babashije kubona ibisigazwa by’ubwato bunini TITANIC, bwari bwararohamye mu mwaka w’1912.
Irohama ry'ubwato bunini TITANIC (1912)
John Williams NTWALI